Sv: Konstig färgförändring på föl!
Eg scanna inn på dataen nokre gamle bilder i dag, for dei som har lyst til å kikke.
(Lenke lenger ned)
Blåskjegg (som vart nemnt før i stamtavla til Kleppe Trygden) står på travsport.no som blå. (Altså avbleikbar skimmel).
Eg går ut i frå at det er den samme som eg finner som avkom under Astrid D. 7659.
Ho har ein son Blåskjegg fødd i 1923.
Far til den Blåskjegg var Blågutt T 54. Han har eg bilete av, og han er ein tydeleg avbleikbar skimmel. Ingen tvil der.
Blågutt var fødd i 1913. Far var Råksøn 792 (døl) og mor var Dokka, ei dotter av Glitre 390 (døl). Noko meir har eg ikkje funne ut enno.
(Nokon påstod visst forresten at far til Blågutt var ein fjording...)
Elles er det bilde av ein hingst som heiter Blåtind 1908 i ei bok eg har. Det er han fargen på dei nolevande blå dølene eg kjem på stammer i frå (mellom anna hingsten Heirums Blåtind).
Mor til Blåtind heiter Blådokka 21500, men eg har diverre ikkje funnet ut meir om ho, og evnt. koblingar lenger bak enno. (Har ikkje fått sett så mykje på det enno.)
I boka der det er bilde av Blåtind (”Hestar og hestekarar på Voss”) står det at hingsten stammar frå Rioblåen. Det står ingen stamtavle, eller korleis det har seg.
Men Rioblåen var ein litt berømt hingst frå Voss, fødd i 1874. Han var blå.
Og han står ikkje i døleheststamboka, men derimot i fjordheststamboka. Der har han nummer324. Fargen sin har han frå mora, ei hoppe (Rioblåræ) som vart 32 år gamal. Og ho har fargen frå faren sin, ein gråskimlet hingst frå Kvinnherrad, eigd av Aslak Himle, Voss. (I den forbindelse kan det jo vere litt artig å nemne at Aslak Himle var tippoldefar til min sambuar!)
Om Rioblåen vart det sagt at den vesle hingsten ervde ned anlegg for fart. Det vart også sagt at han hadde ”hals som eit rokkehjul og rygg som ei børsepipa”.
Mor til Rioblåen var Rioblåræ, ei ”eldande rapp merr” som Torstein Rio hadde bytta til seg då ho var føl.
Skal prøve å finne ut noko meir om blå (skimlete) døler/travere.
Bilete av Blågutt kan de sjå her:
www.vesleblakken.no/gamalt.htm
På den sida finn de også nokre rare bilete som eg har grubla på ei stund.
Den eine (Stavheimsborken) er det for så vidt ikkje noko mystisk med. Han er registrert som dølehest (enno han likna rein fjording). Dette viser berre at på den tida då han levde, var rasane ikkje fastlagt enno slik dei er no. Avlen gjekk i alle retningar, og hestar frå øst og vest i Norge vart kryssa.
Stavheimsborken er registrert som borka, men den lyse fargen på sida av manen og halen viser at han var blakk. Enten brunblakk eller ulsblakk (hvitblack som de seier).
Men så er det Juno, med registreringsnummer 1104 i døleheststamboka. Kva trur de om fargen på henne??? Ho er registrert som ”brunskimlet”.
Far er Bamsen 254, ein brun hingst med stjerne. Ikkje noko rart der. (Bamsen 254 var etter den kjente Dovre 130, og under Guri (mørkbrun) e. Veikle Balder 4.
Så fargen må komme frå morssida. Mor til Juno er ”Motterudblåa”. Etter namnet høyres det ut som om dette og var ein slags skimmel. Eg har ei stamtavle på Motterudblåa (i ei bok frå 1918 som heiter ”Hingstelinjer i Østlandshesten”). Stavheimsborken 138 er farfars far.
Men den rare fargen kjem vel helst frå morssida til Motterudblåa. For mora hennes er nemnt som ”Gammel Blåa på Motterud”. (Og ho står som skimlet i stamboka). Ho har Gudbrandsdalens Pryd 97 til far (samme hingst er far til Stavheimsborken 138). Gudbrandsdalens Pryd er nemnt som borket, men ein må tru at han var blakk som sin son.
Mor til ”Gammel Blåa” er nemnt som ei ”ulsblakk fjordhoppe”.
Dermed står eg nokså fast.
Ein ting er sikkert: Juno er IKKJE avbleikbar skimmel. Då ville ho ikkje hatt det mørke hovudet og dei svarte beina i ein alder av 10 år.
Sjølvsagt kan ho vere blakk. Men det verkar rart at ho då skal stå som skimlet, når både blakk og borket var i vanleg bruk om blakke og borkete (gulbrune) hestar (litt om kvarandre).
Eg har tenkt at denne Juno kan vere konstantskimmel (Roan). Men kor kjem i så fall det genet frå?? Hm.
Ein annen ting er jo at Juno kan vere tigret… Ein veit jo at tigrete russ vart nemnt som skimler før. Og dei kan ofte likne på roan, dei tigrete russene som lever no.
Men har leopard-gener nokon gong vore på norske hestar?
Tja.
Kva trur de om den hesten eg har lagt ut bilde av nederst (under Juno). Den står og som brunskimmel. Seks år. Og det der kan i alle fall IKKJE vere nokon avbleikbar skimmel!
Nokon roan ser det heller ikkje ut som. Eg greier ikkje å sjå at den hesten kan vere noko anna enn tigret. Det ser ut som den har lyse auge.
Håper det er fleire som vil fundere litt over desse bileta, slik som eg har gjort i fleire år….
